ह्या सहा विमा कवचांकडे दुर्लक्ष केल्यास तुम्हाला महागात पडेल

धोका सगळीकडे असतो. आपण सगळेच रोजच्या आयुष्यात विचार करून धोका पत्करतो. मात्र, आपल्यापैकी बहुतांश लोकांचे आयुष्य, संपत्ती, आणि लक्ष या बाबतीत धोका पत्करणे होत नाही. आरोग्य, संपत्ती आणि आयुष्याला होऊ शकणार्‍या आकस्मिक धोक्यापसून संरक्षण करण्यासाठी आपल्याला विचार करून धोका पत्करावा लागतो. आणि ह्याचे सर्वोत्तम व्यवस्थापन उपकरण म्हणजे विमा. आता आपण आयुष्यातले मुख्य धोके कुठले ते बघू आणि त्याचे व्यवस्थापन योग्य विमा कवचा द्वारे कसे करावे ते बघू.

धोका: वाढते वैद्यकीय खर्च

धोक्याचे व्यवस्थापन: आरोग्य विम्या द्वारे

आर्थिक नियोजनात पहिल्या काही पावलांमध्ये वैद्यकीय खर्चापासून संरक्षण करणे समाविष्ट असते. परिवारात कुणालाही कधीही आजारपणामुळे, अपघातामुळे किंवा गंभीर आजारमुळे रुग्णालयात दाखल व्हावे लागू शकते. मानसिक त्रासासकट परिवाराला रुग्णालयाचे पैसे भरण्यासाठी प्रचंड आर्थिक ताणाला सामोरे जावे लागते. अशा वेळी वैद्यकीय खर्चासाठी आरोग्य विमा योजना हे उत्तर असू शकते. आरोग्य विमा योजना नसेल तर कदाचित आपल्या बचतीतून पैसे द्यावे लागतील, ज्यामुळे दीर्घावधी लक्ष धोक्यात येऊ शकते किंवा कदाचित आपल्या मित्रांकडून व नातेवाईकांकडून उसने पैसे घ्यावे लागतील.
म्हणून, आरोग्य विमा योजनेचे महत्व आणि भूमिका याकडे दुर्लक्ष करू नका. दर वर्षी छोटासा हप्ता भरल्यास खूप मोठ्या वैद्यकीय खर्चापासून संरक्षण मिळते. दर वर्षी १५ टक्के पेक्षा अधिक दराने वैद्यकीय खर्च वाढत आहेत, त्यामुळे स्वतः साठी आणि परिवारसाठी पुरेसे संरक्षण असणे महत्वाचे असते. लक्षात ठेवा, हा आता पर्याय उरलेला नाही, पण आजच्या काळातल्या वाढत्या वैद्यकीय खर्चामुळे ही एक गरज झाली झाली आहे.
धोका: अकाली मृत्यू
धोक्याचे व्यवस्थापन: मुदत विम्याद्वारे

एखाद्या व्यक्तीच्या आर्थिक नियोजनाची सुरवात त्याच्या आयुष्याच्या विविध टप्प्यात त्याचे काय लक्ष आहे हे ओळखण्यापासून होते. ती लक्ष्ये साध्य करण्यासाठी त्याने जीवंत असायला हवे, आणि ते साध्य होई पर्यन्त बचत करावी लागेल. अकाली मृत्यू होण्याचा धोका मात्र असतो, ज्यामुळे संपूर्ण गुंतवणूक प्रक्रिया धोक्यात येऊ शकते. परिवाराला मानसिक त्रास तर होतोच, त्याशिवाय उत्पन्न सुद्धा कमी होते, म्हणून दीर्घावधी लक्ष्य हे परिस्थिती वर अवलंबून असतात. अकाली मृत्यूच्या धोक्यापसून संरक्षणासाठी शुद्ध मुदत विमा योजना योग्य असते. ही एक शुद्ध धोका-कवच विमा योजना असते ज्यात केवळ मृत्यूच्या धोक्यापसून संरक्षण मिळते. मुदत योजना ह्या अधिक संरक्षण, कमी हप्ता असणारी उत्पादने असतात.

म्हणून मुदत योजनेच्या महत्व आणि भूमिकेकडे दुर्लक्ष करू नका. परिवारातले सदस्य जर तुमच्यावर अवलंबून असतील तर ही योजना घ्या. साधारणपणे तुमच्या वार्षिक उत्पन्नाच्या कमीत कमी सात पट आयुर्विमा (आश्वासित रक्कम) घ्या. दीर्घावधी लक्ष्य साध्य करण्यासाठी आणि धोक्यांपासून संरक्षणासाठीची किंमत त्यात जोडा. जो पर्यन्त परिवारातले सदस्य तुमच्यावर आर्थिक रित्या अवलंबून असतील तो पर्यन्त तुमचा विमा करा. मुदत योजना ऑनलाइन विकत घेतल्या तर अत्यंत कमी किंमतीत मिळतात. म्हणून त्याचा पूर्णपणे उपयोग करून घ्या.
धोका: उत्पन्न क्षमता कमी होणे

धोक्याची व्यवस्थापना: वैयक्तिक अपघात आणि अपंगत्व सुरक्षा कवच

अपघातामुळे कुणालाही अपंगत्व येऊ शकते. ह्यामुळे व्यक्तिच्या उत्पन्न कमविण्याच्या क्षमतेवर खूप प्रभाव पडू शकतो. आरोग्य विमा योजना रुग्णालयातील पैसे भरण्यास उपयोगी ठरेल, पण अपघात झाला तर उत्पन्नाचे नुकसान भरून काढण्यासाठी वैयक्तिक अपघात योजना (आयपीएपी) असावी.

म्हणून, वैयक्तिक अपघात योजनेचे (आयपीएपी) महत्व आणि भूमिकेकडे दुर्लक्ष करू नका, ज्यात अपघातामुळे होणारे चार परिणाम: मृत्यू, नेहेमीसाठी संपूर्ण अपंगत्व, नेहेमीसाठी आंशिक अपंगत्व, तात्पुरते संपूर्ण अपंगत्व ह्यांच्या पासून संरक्षण असते. विविध कंपन्यांच्या आयपीएपी ची वैशिष्ट्ये वेगवेगळी असतात, पण असे उत्पादन निवडा ज्यात चारही परिणामांपासून संपूर्ण संरक्षण मिळते. उत्पन्न भरपाई म्हणून काम करण्यासाठी, तात्पुरते संपूर्ण अपंगत्व आल्यास हे सुरक्षा कवच आश्वासित रकमेच्या १ टक्के रक्कम दर आठवड्याला देते, ह्याला एका विशिष्ट रकमेची मर्यादा असते, जसे १०४ आठवड्याच्या विशिष्ट अवधीसाठी रु. ६००० – रु. १००००. आयपीएपी साठी एकूण सुरक्षा कवचावर पण मर्यादा असते, जी मासिक वेतनाच्या ६०-७२ पट असू शकते, हे योजनेवर अवलंबून असते.

धोका: आपल्या गाडीचे नुकसान

धोक्याचे व्यवस्थापन: वाहन ‘पॅकेज योजना’ द्वारे

‘फक्त दायित्व’ योजनेत, जर अपघात झाला, तर तृतीय पक्षाच्या नुकसान भरपाईचे दायित्व समाविष्ट असते. ह्याला ‘तृतीय पक्ष’ योजना पण म्हणतात, आणि कायद्याप्रमाणे हे असल्याशिवाय गाडी चालविता येत नाही. पण स्वतःच्या गाडीला झालेले कुठलेही नुकसान वाहन ‘पॅकेज योजना’ वापरून भरून काढता येते. ह्यात वाहनाची चोरी किंवा नुकसान यापासून संरक्षण मिळते आणि तृतीय पक्ष दायित्व पण समाविष्ट असते.
ह्याला ‘स्वतःचे नुकसान’ योजना पण म्हणतात. ह्यात स्वतः साठी आणि वाहनासाठी अपघात किंवा चोरी मुळे उद्भवणार्‍या धोक्यापसून संरक्षण मिळते. मागच्या काही काळात सामान्य वाहन विम्याचे रूप बदलले आहे. आता अधिक हप्ता देऊन वाहन योजनेत अतिरिक्त लाभ घेता येतात, ज्यामुळे दावा करताना अधिक लाभ मिळतात, जसे शून्य घसारा, इंजिन संरक्षण, इनवॉइसला परत, दावा न केल्याच्या बोनसचे संरक्षण, रस्त्यालगत मदत इत्यादि.

धोका: आपल्या घराला नुकसान

धोक्याचे व्यवस्थापन: घर विमा योजने द्वारे

असे म्हणतात की जिथे तुमचे घर तिथे तुमचे हृदय. आपण सुखी जीवन जगण्यासाठी खूप वेळ आणि पैसा खर्च करतो. पण जेव्हा चोरी, नुकसान, आग यापासून आपल्या घराचे संरक्षण करण्याची वेळ येते तेव्हा त्यासाठी विमा योजना विकत घेण्याची प्रवृत्ती कमीच असते. तुमच्या घराचे नुकसान करणारे दोन मुख्य घटक असतात – संरचनेला धोका (आग, भूकंप, पूर यामुळे), आणि घरातील सामानाच्या नुकसानीचा धोका.
घर विमा योजना विकत घेतली तर ही काळजी मिटते, कारण ह्यात घराच्या संरचनेसाठी वेगळे कवच आणि त्यातील समानासाठी वेगळे कवच असते. फक्त संरचनेचे १० वर्षांपर्यंत संरक्षण करता येते, आणि ह्याचा हप्ता वार्षिक किंवा एकरकमी देता येतो. घरातील सामानात फर्निचर, कपडे, इलेक्ट्रॉनिक्स, संगणक, दागिने आणि इतर समाविष्ट असतात. संरचना आणि घरातील सामग्रीच्या किंमतीच्या आणि मूल्याच्या १ टक्के पेक्षा कमी विमा हप्ता असतो.